حادث العديد 22-4-2011 ( صور )

[M.ALMASS]

السلام عليكم ورحمة الله وبركاته





اليوم وانا رايح العديد بالضبط واحنا عند دوار الشاليهات شفنا الهليكوبتر مال مستشفى حمد الأخضر وشفناه كأنه نازل صوب الأصبخه اللي ورى طعس العائلات

لكن واحنا رايحين العديد اول شي اول مسطاح شفنا تجمع والهليكوبتر إلا نشوف هالمنظر ..













تخيلو ياشباب معاي نشوف هالموتر ورجال على اليمين طايح وحواليه المسعفين ورجال ورى طايح لكن مامعاه إلا كم شخص ومغطى بغترة ( إن لله وإنا إليه راجعون ) ورجال في الدورية قاعد ورى ومتحسف

ما اقول إلا الله يهدي شبابنا ويصلحهم وعن التهور ياشباب انا ما ابغي اقول اللي شفته بالضبط يمكن البعض مايستحمله لكن باقول الله يهديكم وهالله هالله في اعماركم

وعلى حسب اللي سمعته انه هم شباب طالعين كشته من نفس الدوام وشغالين في وزارة الدفاع

واللي كانو في الموتر أثنين من الجنسيه البنغالية وواحد يمني الجنسيه واللي توفى هو السايق بنغالي الجنسيه واسمه جاسم والعمر 18 سنه والعبري يمني الجنسيه و نقل بالهليكوبتر بسبب بعض الكسور على حسب ماسمعت واللي جالس ورى الحمد لله ماصاده شي

لكن إلى متى ياشباب هالشباب طالعين كشته يستانسون وعدة الحداق موجوده ورى في الموتر ولاتقول الموتر عليه رنقات عراض مب خايف الرجال على كلام ربعه كان يربع وفصخ التاير وللعلم التاير تيوب لاتتوقعون انه تيوبلس وصار اللي صار

والله الشاهد اني مانقلت إللي شفته إلا لعل وعسى حد يتعض او يتعلم لايقول انا اسوق وانا ادرول وانا وانا ووراي عمر

الرجال عمره 18 توه ماخذ الليسن وتخيلو وانا موجود يرن جواله إلا ابوه متصل يعني حاس انه في شي

مانقول إلا يارب ثبته عند السؤال ويارب ادخله فسيح جناتك وصبر اهله يارب


تصحيح بعض المعلومات اللي سبقت

المشاركة الأصلية كتبت بواسطة ولد المطاوعه

السلام عليكم ورحمه الله وبركاته

شخباركم ياشباب عساكم طيبين

الصراحه انا متضايق عن الي اسمعه والي قاعد اشوفه من الاشاعات على الاخو المرحوم العزيز

الغالي الي توفى يوم الجمعه ف العديد جاسم الياس الله يرحمه ويغفر له يارب ويكون من اهل الجنه

الناس تتكلم في البلاك بيري والمنتديات انه جاسم الله يرحمه [

COLOR="red"]اسمه جاسم الكواري واهو اسمه جاسم

الياس الله يرحمه يارب وانا اعرفه شخصيآ واعرف عمامه واعرف ابوه من سنه 1997 واخوي يعرفه روح

بالرووح كل يوم معاه يوم الخميس قبل لا يتوفى بساعات قليله كان المرحوم مع اخوي وكان يضحك

اشوي ويسكت وكله ساكت اخوي يقوله جاسم فيك شي يقول لا مافيني شي الحمدلله ويبتسم ويسلم

على الناس وكان رجال طيب يصلي ويصوم ويخاف ربه والله يشوفني من بعييد ايي ويسلم علي ويسال

ويضحك والله قلبه صافي لا يحقد ولا يسب وماشفت منه الا كل خير قسم بالله ابوي الله يرحمه يحب

هالانسان وانا اول مادريت بالخبر والله اني حزنت حزن مايعلم به الا الله سبحانه الناس تتكلم ويقولون

انه كان يسرع 160 ويربع في الاصبخه بأتجاه العديد هاي الكلام كله غلط في غلط وكلام كذب الناس

يحبون يطلعوم سوالف حتى على المتوفى الصراحه انا بنقل لكم الكلام والحدث من ولد عمته الي كان

وياه في السياره وصار عليهم الحادث جاسم الله يرحمه كان يسوق السياره ورايحين العديد للحداااااق

والثلاجات في السياره ورى واغراض الصيد كامله وكان يمشي المرحوم في حال سبيله وبعدها وقف

ونزلو يصلون صلاه العصر اللهم يتقبله من الشهداء يارب المهم صله جاسم وربعه صلاه العصر وبعدها

توكل على الله وكمل دربه في حال سبيله على سرعه 80 ولا 100 تقريبآ ماسرع 160 ولا شي كلام

الناس مثل السم والاشاعات ولا كان يربع ولا شي بس لاكن الشي الي قلب السياره في الخط الي

يوديك على العديد كان في نزله مثل حزم خفيف جاسم الله يرحمه نزل فيها

وفقد السيطره على السياره

ونحرفت على اليمين وانقلب عده قلبات وبعدها طار جاسم من السياره الله يغفر له من الدريشه الى

ورى للسياره وطاح على وجهه ف الارض وبعدها ماتحرك فارق الحياه في نفس الوقت صار له كسر في

الجمجمه الله يرحمه وكان رافع صبعه الشهاده سبحان الله ولاحول ولا قوه الا بالله العلي العظيم الناس

تتكلم وتحط كلام من عندها حرااام عليكم ياشباب وناس تقول انه انتحار ياخي انت من حضرتك علشان

تحكم على انسان مسلم بالانتحار الرجال رايح لغرض الحداق مب للتحدي ولا للعب ديج ودجاجه نفس

الناس الي عقولهم خفيفه ولا يخافون ربهم جاسم الله يرحمه كان انسان

ملتزم في صلاته وفي ايامه

الاخيره كان يصلي كل صلاه في وقته وتغير الحمدلله المفروض علينا احنا مانقول انتحار للانسان

المسلم ربك سبحانه وتعالى اهو الي يحكم على الانسان وهذا يومه الله سبحانه كتب له هاليوم من

يوم ولادته والناس تتكلم وتقول انتحار والله ثم والله الانسان مايعرف الاسلام عدل الي يتكلم ويحكم

على كيفه ياخي ولي يقول مواليد الدوحه ياخي هذا انسان مسلم خلاص سواء كان قطري ولا غير

قطري قول الله يرحمه ويغفر له ويتقبله من الشهداء ويسكنه الجنه يعني لو قطري بيعيش ؟؟

ياخي هذا يومه الواحد يقول الله يصبر اهله خلاص واترك امره لله

تعالى اتمنى من الجميع عدم الاشاعات وتأليف على الميت حتى الحي لاتتكلم عليه وتطلع اشاعات

وجزاكم الله خير[/COLOR]

[صـقـر]

لاحول ولا قوة الا بالله

الله يرحمه و يغفر له



والله يحفظهم الشباب

[عاشق سيلين]

بعد في حادث استاندر في سيلين اليوم العصر يوم الجمعه كان يستعرض ون قلب

[الإلكتروني]

الله يرحمه ويغفر له


انا لله وانا اليه راجعون

[مستثمر]

لا حول ولا قوة الابالله

الله يرحمه ويصبر اهله

[M.ALMASS]

المشاركة الأصلية كتبت بواسطة عاشق سيلين

بعد في حادث استاندر في سيلين اليوم العصر يوم الجمعه كان يستعرض ون قلب

استاندر أسود شفته وانا راجع وقفوه عند دوار الشاليهات وعلى حسب اللي سمعته انه راعيه مري ويقولون انه التنده طاحت على راسه هذا حسب ماسمعت

وإن شاء الله حد من الشباب اللي كان هناك يفيدنا

وإن شاء الله طلع منها والله يحفظهم ويستر عليهم

[7rs]

المشاركة الأصلية كتبت بواسطة بوجاسم_606

استاندر أسود شفته وانا راجع وقفوه عند دوار الشاليهات وعلى حسب اللي سمعته انه راعيه مري ويقولون انه التنده طاحت على راسه هذا حسب ماسمعت

وإن شاء الله حد من الشباب اللي كان هناك يفيدنا

وإن شاء الله طلع منها والله يحفظهم ويستر عليهم

انا وصلت متاخر للحادث
بس وصلني الخبر انه توفى

الله يرحمه
لانه التنده ضاربه راسه والسدحه كانت من جهته



ويش استفدنا انا بقولكم
انا شفت حادث ومستانس وفال الحجاج
راعيه توفى انا ماهتميت ابي اشوف المزيد من الاستعراض

يعني نفس الحكايه والموال ولكن مانشوف ناس تتعض
انت يالي تستعرض اركد اشوي
لاتتهور مب كل شخص يعطيك حبتين تستانس وتزيد الريس
خذ لك كم استعراض بس بعقل مب اخبال الا الموتر يتكي
وهذي اصبخه من يتكي لاتقول انك بتصلب الموتر الا بيقلبك على طول




تقبلوا مروري
واعتذر عن الاطاله