WORLD FREESTYLE SOCCER BY:RED BALL

[المــالكي]

السلام عليكم جميعا أخباركم

اليوم كان من أحلى أيام حياتي اليوم شاركت في بطولت ريدبول للعالم لمهارت الكرة وأسمها :Red Bull Street Style

كان فيها 120 شخص مشارك من مختلف الجنسييات

و ثلاث جولات كانت , في باركينغ نادي السد

والمنافسة كانت حامية صراحة

و أول كلمة قلتها أول ماوصلت : لا بالله رحت فها

يعني كان فيها لعيبة توب بروف تقريبا كلهم وأنا كنت من أصغر المشاركين ( مثل ماتعرفون عمري 14 )

وبدت المنافسة الساعة 7 وأنتهت تقريبا 10 إلا ربع

والحمدالله سويت الي علي و بدعت في الجولة الأولة (بيني وبينكم شوي خبصت لاتقولون حق حد أوك)

وخذنا بريك كان حوالي 5 مادري 10 دقايق

قالو من من بيختارون 36 شخص حق الجول الثانية والجمدالله قالو أسمي

وبدت الجولة الثانية و زادت القوة و التنافس بين المتأهلين وكل مايزيدون يزيد توتري (أحم) وهل شي خلاني أشوف جانب ظعيف فيني

وية دوري وقلبي يدق تك تك تك تك تك

قلت خلني أسوي كل الي أقدر علية ورحت والناس يصفقون و دخلت وسويت الي قدرت عليه


بعدين نطرت لين ما أعلنو من بيتأهل حق الفاينل ويقولون بيختارون 12 شخص وأعلنو الأسماء وقالو


وماسمعتهم يقولون أسمي عقب قالو هاي أخر شخص بيكون ,,,,,,,,,,,و يقولون أسمي وتشققت ومستانس


والنهائي والجولة الثالثة بتكون في سباير يوم الخميس الساعة سبع فالليل

والحمدالله تأهلت حق الفاينل

تخيلو ختارو 12 من 120 شخص وأنا منهم

والي يبي يشجعني أيي حياه الله

وكل هاي بفضل الله

ودعولي أني أكون المركز الأول

ويسفروني البرازيل

وخلال هاي كلة واجهت وايد مصاعب مثل الكورة الي عندهم مب متعود عليها وايد أشياء

على أي حال أتمنى أنى عجبكم موضوعي

لا تنسون أدعولي

يلا باي