10 كروزرات & 10 درجات & 10 جت سكي

[EVO RIDER]

السلام عليكم ورحمه الله وبركاته
يعطيكم العافيه شباب و بنات QATAR SPEED

موضوعنا اليوم بخصوص كأس سمو ولي العهد 2009
السنه غير... عدد الجوائز كبير أكثر من 200 جائزة منهم الجوائز الي في العنوان

10 كروزرات & 10 درجات & 10 جت سكي

سارعوا التذاكر محدوده وقبل الزحمه... تراها اخر فرصة

طبعا الحين تم في مباريات نصف النهائي الي بتكون تاريخ ( 28-4-2009) في نادي قطر بين:

الساعة 5:15 بتكون مبارة الغرافه Vs قطر
الساعه 8:15 بتكون مبارة الريان Vs السد

ومبارة النهائي بتكون بتاريخ ( 1-5-2009) في نادي السد... يعني يوم الجمعه ومالكم عذر ماتروحون

الحين المهم اماكن البيع والي توقيتها مناسب للكل بتكون من 10 صباحا لين 10 مساء ( يعني لاتقولي دوام) :
1. الاند مارك ( مقابل ستاربوكس عند مدخل المطاعم والاعاب)
2. الحياة بلازا ( مقابل ستاربوكس عند مدخل المخازن الرئيسي ) يعني اشترى التذاكر وتشرى للبيت
3. المول ( بين ستاربوكس والهاي لاند)
4. الرويال بلازا ( من المدخل الرئيسي لبريس جاليري بجانب مكتب الاستعلامات) مافي ستاربوكس هنا

وسعر التذكره بيكون 10 ريالات بسسس

أهم شيء ترى عندنا تذاكر عائلات وقسم خاص في النهائي و تذاكر العائلات ترى محدودة جدا جدا
طبعا في بيع في مولات غير بس ترى هذي الاماكن الي ذكرت هي احسن الاماكن للشراء لانها بدون زحمة انا اليوم رحت وكان المكان شبه مزدحم لكن مخلصين دفترين يعني التذاكر تخلص بسرعه.

واسمحوا لي على الاطاله.... واذا في اي استفسار انا حاضر
ولاتنسون بالترشيح وفي انتظار ردودكم