كاميرا IP جديدة (IP Camera ) تتحرك بكل الإتجاهات

[تميم العز]

السلام عليكم الأعضاء الكرام

( جميع المنتجات اللي اعرضها مصنعة وفق الأنظمة الأمريكية لأنها موجهة للسوق الأمريكي والأوروبي بالتحديد )


للبيع كاميرا IP ( آخر حبتين ) جديدة بالكارتون وصلتني قبل اسبوع لكن لم يتسنى لي عرضهم في المنتدى لإنشغالي بالإمتحانات .. المواصفات جدا جدا قوية ورائعة

الكاميرا من ميزتها أنها لاسلكية بالكامل تتشبك على راوترات الوايرلس بدون اي واير .. وهذا يعطيك الحرية أنك تخليها اي مكان في البيت - الشغل - المحل - الكراج - غرف الأطفال على سطح المكتب أو على السقف أو الجدار الخ للمراقبة وين ما كنت في العالم كله .. أو كنت في الشغل او مسافر وتحب تشوف بيتك كامل ... فقط لازم يكون عندك انترنت في المكان اللي انت فيه ..



( اللي يبغي يعرف شنو يعني كاميرا آي بي أو يبغي يعرف أكثر لا يتردد في السؤال وانا حاضر لكم يا الغاليين )

المواصفات :-

1- تركيب وعمل الست اب (setup) جدا سهل وحلو للمبتداين لأنه أول ما تشبكه في النتوورك عندك
يتعرف على نفسه ويعطي لنفسه IP خاص فيه ..

2- تصوير في النهار والليل .. وبعد تجربة هالنوع شفت ان في الليل اقوى يصور في الظلام الدامس 100% على بعد 15 متر تقريبا بدون لا يشغل اي إضاءة ( فيه خاصية التصوير بالأشعة تحت الحمراء )

3- تحكم وتحريك للكاميرا سهل في اي مكان في العالم ( طبعا لازم تدخل رقمك السري ) عشان الحماية .. التحكم في الإتجاهين العمودي 120 درجة و الأفقي 270 درجة يعني لفة كاملة يمين ويسار

4- تصور فيديو وتصور صور JPEG من اي مكان فيه نت .

5- نظام دخول متعدد الوظائف يعني ممكن ستخدمها عدد من اليوزر انت تحددهم لنفرض مثلا ان حطيتها في البيت عشان تراقب الأطفال خوفا عليهم من الخدم والمربيات .. ممكن أنت تقدر تراقبهم عن بعد سواء كنت في الدوام وتقدر ( أمهم ) ايضا تراقبهم وممكن جدهم - خالهم الخ ..

مثال ثاني . لو حطيت الكاميرا في المحل .. ممكن أنت تراقب سير العمل + ممكن شريكك يراقب ايضا دخول وخروج الزبائن + ممكن تشوفون في الليل المحل لأي طارئ أو سرقة الخ ..

6- دعم خاصية واي فاي IEEE 802.11b/g on 2.4GHz ISM Band

7- خاصية اكتشاف اي حركة (motion detection) وربط الكاميرا مع سيرين ( صفارة انذار ) في حال اكتشاف اي سرقة أو حركة في المكان ..

8- لنفرض ان ما عندك راوتر واير لس اقولك لا تشيل هم تقدر تستخدم الواير العادي حق النت
يعني هالكاميرا تقدر تصير سلكية ولا سلكية وقت ما تبغي

والله مميزاتها وايد وانا شخصيا استخدمتها فترة وبعت كاميرتي على واحد والحمدلله محد اشتكى منها

[تميم العز]

قبل لا أحد يسألني قلت خلني اقول وأوضح أكثر شنو يعني (IP camera) وشنو تفرق عن (webcam)
---------------------------------------------------------------------------------------------------

الله يسلمكم كاميرا الآي بي أو يسمونها نتورك كاميرا أو سكيوريتي نتوورك كاميرا .. هي كاميرا تصوير فيديو + تصوير ديجتال + فيها منها ومن نفسها سيرفر خاص ( يعني ما يحتاج لكمبيوتر ) فقط شغلها على الراوتر سواء بالواير أو الوايرلس .. تقوم هالكاميرا بالتصوير والمراقبة الدائمة طول ما هي شغالة طبعا بدون أي جهاز كمبيوتر موصلة عليها فقط واير الكهرباء والراوتر ..

( طبعا عقب ما تسوي set up ) اللي ما ياخذ منك 10 دقايق .. انا مع اني اول مرة استخدمها شغلتها وعرفت لها في اقل من 10 دقايق مع قراءة صفحات من الكاتلوج المرفق .. )

أنت اللحين ركبتها وخليتها في البيت مثلا في غرفتك .. اللحين لو تطلع من البيت وتروح بيت صديقك في مدينة ثانية او بلد ثاني أوتروح الشغل .. تدخل النت من هناك تفتح صفحة جديدة وفي خانة الأدرس \ العنوان تحط رقم الاي بي اللي بتعطيك إياه الكاميرا لنفرض مثلا الآي بي حق الراوتر مالك (192.161.0.1) فيكون الاي بي مال الكاميرا هو مثال فقط لحد يجرب (192.161.0.3) تطلع لك صفحة الكاميرا ، أنا قلت أن الكاميرا أصلها سيرفر خاص فيها وهي موصلة بالنت وموصلة بالشبكة عندك مع الراوتر ..

تطلع لك صفحة الكاميرا تدخل اسمك ورقمك السري ( اللي خليته قبل ) عشان محد يقدر يدخل إلا انت
أو الشخص اللي تعطيه باسووردك واسم المستخدم ... المهم لما يكون الرقم والاسم صحيح تفتح لك الصفحة وتدخل داخل نظام الكاميرا ..

اللحين انت تطالع كل اللي تصوره الكاميرا على الهواء مباشرة .. سواء في النهار أو الظلام الدامس
( في الظلام الدامس يكون التصوير مثل مناظير الليل تطلع الصور ابيض واسود بس جدا جدا واضح )

المهم تشوف شنو تصور الكاميرا وهني انت تشوف غرفتك كلها .. تقدر اللحين بواسطة ازرة في صفحتك أنك تحرك الكاميرا أو بشكل اوضح العدسة يمين أو يسار بدرجة 270 لفة كاملة عشان تشوف كل شي في الغرفة ..

وتقدر تحرك الكاميرا بعد فوق وتحت بمقدار 120 درجة وهذي كافية جدا جدا عشان تعطيك فيو لكل مكان في غرفتك

اللحين تقدر تصور فيديو ويتخزن المقطع بـ نقاوة عالية أو متوسطة حسب اختيارك وممكن تاخذ شووت \ صور تتخزن تلقائيا في ملف خاص ترجع له انت وقت ما تبغي تتسجل عليه أتوماتيك التاريخ والوقت وكل المعلومات المهمة ..

لما تخلص وتطلع يتسجل في النظام ان المستخدم الفلاني دخل هالوقت وطلع هالوقت في هذا التاريخ
ويصير كنوع من الديتابيس مخزنة ترجع لها وقت ما تبغي ..

شنو بعد ؟؟؟ إذا كلامي مهوب واضح خبروني رجاءا عشان أوضح بشكل أفضل والسموحة منكم يا الربع

[تميم العز]

بعض الصور لمزيد من التفاصيل ...

الكاميرا مع حامل خاص ( موجود في الكارتون ) لتعليق الكام على الجدار أو السقف


طريقة التوصيل ( للعلم ممكن تضبط الكام على تلفون 3G و GPRS )




واجهة صفحة نظام الكام


صفحة واجهة النظام بعد الدخول ..


للكاميرا عدسة خاصة ( إمكانية التقريب 10x زوووم )

[The-_-end]

بس هي تحتاج لحجز أي بي ادريس وتكلف 100 ريال بالسنه على ما اعتقد

لانه عندي بالشركه 4 كاميرات بس مو نفس هالنوعيه وجوده عاااليه وممتازين وتقدر تشغل 4 كاميرات إلى 30 كاميره في وقت واحد

الله يوفقك في بيعهم

وهم مناسبين لاصحاب المحلات وعدم التفرغ , يقدرو انه يراقبو محلاتهم من البيت

[تميم العز]

المشاركة الأصلية كتبت بواسطة ALTIMI

بس هي تحتاج لحجز أي بي ادريس وتكلف 100 ريال بالسنه على ما اعتقد

...

الله يوفقك في بيعهم

وهم مناسبين لاصحاب المحلات وعدم التفرغ , يقدرو انه يراقبو محلاتهم من البيت

لا ياخوي أنا مجرب ومركب لي في البيت .. ما تحتاج أي شيء لتعمل لا اشتراك ولا يحزنون
يمكن أنتوا شركة فتقسيم الاي بي عندكم يختلف ويكون من مزود الخدمة أما اللي عندي في الموضوع
ياخذ الاي بي أدرس من نفسه لأنه يشتغل على خاصية DHCP فلما تشبكه مع الراوتر ياخذ له آي بي خاص فيه خلال ثواني فقط ويفتح له بورت ( سيرفر ) من نفسه ..

الكاميرا هذي جودتها ممتازة وخاصة في الليل ومثل ما قلت تصلح لمراقبة الأطفال + المحلات والبيوت والخدم في المطابخ أو في المطاعم لمراقبة سير العمل .. والإطمئنان على الحلال ..

وشكرا على مرورك الغالي ..

[BOJASSEM911]

الله يوفقك اخوي

[شبح الامارات]

أنزين اخويه كم سعرك فالكيمراا ؟؟


وانت بتيبها طلبيه من برع ولا موجود عندك استوك لها ؟؟


والكيمرا لازم اتكون عدال مصدر كهربه صح ؟؟ اذا هيه عيل كم طول الواير؟؟ ولا اهيه شغاله دايركت على الواير لس



والسموحه


اخوك

شبح الامارات